Obema me Party me Democratic Alliance Obin Orwate kede Otela me Party me FDC pi laro Lok Apire Tek

Party me FDC otyeko jollo cik kede moka ame party me Democratic Alliance okelo inyim gi ote yee ni obino keto gini itic kun onote kede Party man me neno ni moka man onyako nyige.

Cokere ikin party me Democratic Alliance kede FDC otimere I edkwota me FDC ame tye Najjanankumbi inino dwe 21/1/2025.

Presiden me party me FDC, Eng. Amuriat Oboi omio ocoo amut ngec man inge cokere ame otimere pi cawae aryo ikin obema me party me Democratic Alliance kede otela me FDC ni Moka ame gin okaato kede bino ri pi kare alac dang pire tek pi anyim me lobo Uganda.

Amuriat otito ni moka ame gin okaato kede obino cwallo inyim committee me party me alara cakere diki nino 22/1/2025 te te wot anyim naka bot otela me party me FDC imalu NEC (National Executive Committee.

Rt. Hon. Mathias Mpuuga Nsamba akub jo ite party me Democratic Alliance opako atek otela me FDC pi gamo tam ame gin okaato kede , en dang oloko atek ikom tic kede alokaloka moro aber ame twero nyako nyige ikop me yera calo 2026 noko ceggi.

Cokere man onwongo neno mere tye me ooto parti apapat, tekwaro kede dini apapat me kelo alokaloka kun gero kuc iyera me mwaka 2026.