Otela cukule a gamente ooto onywal me loko tam gi ikop me kwan pa otino gi

Dokolo district obedo namba 3 me agiki ikine distrik apatpat ma otimo peny me Primary Leaving Examination arac ilobo Uganda.

Akadi kono bed nimano adwogi peny me PLE me 2024 I Dokolo distrik otyeko keto cukule ma cungi wii gi kengi malu ikop me timo peny aber, cite oedi me cukule pa gamente otito nimano gin dang onwongo aloka loka ipeny me mwaka man ka iporo kede mwaka 2023 ame Dokolo District en obino oloyo iwel namba pa otino ma onwongo Division U.

Ilokere kede acoc me radio Qfm icing angwen nino dwe 23 me dwe me acel mwaka 2024, Denis Livingstone Okello, arot cukule me Dokolo distrik otito ni ripot tye anyutu nimano adwogi peny me 2024 tye acimo ni cukule ma cungi wii gi tye atimo aber ka iporo kede cukule pa government.

Ikine cukule ma cungi wii gi ma otimo peny aber tye iye Dokolo Central Nursery and primary ma nwongo otino 38 iyi Div I, otino iyi 10 Div 2 ikom otino 48 ame openyere, The Grace onwongo Div 1 gin 32, eka otino 57 Div II ikom otino 89, St Mary's, otino15 onwongo Div I, eka otino 29 okato iyi Div II, St Maglexs primary school onwongo otino 7 ma okato I Div I, otino 52 iyi Div II, otino 4 Div III, otino 4 Div IV ikom otino 66 ame penyere.

Acokono ilokere kede Qfm, Betty Agweng, aedi me Iguli primary school otito ni ikom otino 67 ame openyere I mwaka 2024, otino 44 kato iyi Div II, otino 19 iyi Div 3, otino 2 iyi Div IV.

En omoko ni cwak oromo ma oa ki bot gamente, onwyal, otino kede iryonget karacel ki dule ma neon kop me pwonyere aye omiyo oloka loka man tye anen kunaca.

Itungbote, John Bosco Okullu, aedi me Ilong primary school otito ni adwogi peny me mwaka 2024 obedo aber ka iporo Kede me mwaka okato.

Malube ki Okullu, Ilong primary school onwongo otino 27 I Div II, 29 IYI Div 111, otino 5 iyi Div IV, kadong acel obedo in U ikon otino 62 ma ocoyo peny me PLE I mwaka 2024.

Douglas Ocol alub Aedi me Angwecibange primary school otito ni adwogi peny me mwaka 2024 oneno alokaloka anok ka iporo Kede me mwaka 2023 calo rom me kato I Div U odok piny.

En omoko ni gin obedo ki otino 2 I Div I, 52 iyi Div II, 41 iyi Div III, 31 iyi Div IV, otino 24 onwongo U kadong acel I X.

En ocukuru cwiny onywal me keto cwiny ikom cwako kop me kwan pa otino gi acalo kwan icawani tye abedo kede alokaloka adwong meicel dok meto cwak bot joo duc.